20 വര്‍ഷം, 131 പുസ്തകങ്ങള്‍!
ഗ്രേഷ്യസ് മണ്ണിനെ എഴുതുകയാണ്
ആദ്യപുസ്തകം ഇറക്കാന്‍ എളുപ്പമാണ്. രണ്ടാമത്തെ പുസ്തകം എഴുതാനാണ് പ്രയാസം എന്നു പറയാറുണ്ട്. മറ്റൊന്നുമല്ല, ആ പുസ്തകമായിരിക്കും ഒരു എഴുത്തുകാരനെ നിര്‍ണ്ണയിക്കുന്നതും നിലനിര്‍ത്തുന്നതും. ഇതിവിടെ പരാമര്‍ശിച്ചത് ഗ്രേഷ്യസ് ബെഞ്ചമിനെക്കുറിച്ച് പറയാനാണ്.
ഗ്രേഷ്യസ് കൃഷിക്കാരനാണ്; കൃഷി എഴുത്തുകാരനും. ഒരു മനുഷ്യായസ്സിനേക്കാള്‍ എണ്ണം പുസ്തകം ഇതിനോടകം തന്നെ ഇയാള്‍ എഴുതിക്കഴിഞ്ഞു. ആട് മുതല്‍ ആടലോടകം വരെ, കര്‍ഷക നിഘണ്ടു, ഫലവര്‍ഗ്ഗ വിളകള്‍, പച്ചക്കറി കൃഷി, വാഴകൃഷി, തെങ്ങ് കൃഷി, മാവ് നടാം തുടങ്ങി നൂറ്റിമുപ്പത്തൊന്ന് പുസ്തകങ്ങളാണ് ഗ്രേഷ്യസിന്റെ പേരില്‍ ഇതുവരെ പുറത്തിറങ്ങിയിട്ടുള്ളത്.
മണ്ണിനെ അറിഞ്ഞുള്ള എഴുത്താണ് ഗ്രേഷ്യസിനെ വേറിട്ടുനിര്‍ത്തുന്നത്. നാട്ടുനന്മയും കൃഷിയും വിളകളും ഇല്ലാതാകുന്ന കാലത്ത് കൃഷി എഴുത്തിന് പ്രസക്തി ഏറെയാണ്. പേനയും തൂമ്പയും കൈകളില്‍ ഒരുപോലെ വഴങ്ങുന്ന ഗ്രേഷ്യസ് വരുംകാലത്തേക്ക് ബാക്കിവെച്ചുപോകുന്നത് ഇതു രണ്ടിന്റെയും മധുരഫലങ്ങളാണ്.
അമ്പതുകാരനായ ഗ്രേഷ്യസ് എഴുത്ത് തുടങ്ങുന്നത് 20 വര്‍ഷങ്ങള്‍ക്കു മുന്‍പാണ്. പിന്നീട് 131 പുസ്തകങ്ങള്‍, ഇപ്പോള്‍ പണിപ്പുരയില്‍ മൂന്നു പുസ്തകങ്ങള്‍... ഇടവേളകളില്ലാത്ത എഴുത്ത് എന്നുതന്നെ പറയാം. കാന്‍ഫെഡിനുവേണ്ടി ചെയ്ത ശിശുപരിപാലനം ആയിരുന്നു ആദ്യപുസ്തകം. കൃഷി, അക്കാദമിക് പുസ്തകങ്ങളാണ് എഴുതിയതിലേറെയും. ഡി സിയും എച്ച് ആന്റ് സിയും ലിപിയും സര്‍ക്കാര്‍ പ്രസാധകരുമുള്‍പ്പടെ കേരളത്തിലെ ഒട്ടുമിക്ക പ്രസാധകരും ഗ്രേഷ്യസിന്റെ പുസ്തകങ്ങള്‍ പുറത്തിറക്കിയിട്ടുണ്ട്.
കൃഷി ചെയ്യുന്നതിനൊപ്പം കൃഷിരീതികളെ തലമുറകള്‍ക്ക് പരിചയപ്പെടുത്തുക എന്ന കര്‍മ്മം കൂടിയാണ് ഗ്രേഷ്യസ് ചെയ്യുന്നത്. എഴുത്തിന്റെ തിരക്ക് കൂടിയപ്പോള്‍ കൃഷി ചെയ്യാനുള്ള സമയം കുറഞ്ഞുവെന്ന് ഗ്രേഷ്യസ് പറയുന്നു. എങ്കിലും ഇടവേളകളില്‍ സമയം കണ്ടെത്തുന്നുമുണ്ടെന്നും മണ്ണിനെ അറിയുന്ന ഈ കര്‍ഷകന്‍ പറയുന്നു.
നാല്‍പ്പതു പേജുമുതല്‍ 1226 പേജുള്ള ചരിത്രവിജ്ഞാനകോശം വരെയുള്ള പുസ്തകങ്ങള്‍ ഇദ്ദേഹത്തിന്റെതായുണ്ട്. കേവല വിദ്യാഭ്യാസത്തില്‍ നിന്നും എഴുത്തില്‍ വളര്‍ച്ച പ്രാപിച്ച ഗ്രേഷ്യസിന്റെ പുസ്തകങ്ങള്‍ ഇപ്പോള്‍ ഐ എ എസിനും യൂണിവേഴ്‌സിറ്റി തലത്തിലും റഫറന്‍സ് ആയും ഉപയോഗിക്കുന്നു. മണ്ണില്‍ കാലൂന്നിക്കൊണ്ടുള്ള എഴുത്തുകാരന്റെയും മനുഷ്യന്റെയും വളര്‍ച്ചയെയാണ് ഇത് കാണിക്കുന്നത്.
ഒരു കര്‍ഷകനായ താന്‍ എങ്ങനെ തന്നേക്കാള്‍ ഉയരത്തില്‍ പുസ്തകങ്ങള്‍ എഴുതിക്കൂട്ടി എന്നതിന്റെ വിശേഷം വായനാദിനത്തില്‍ വൈ എം സി എ ഹാളില്‍ ഗ്രേഷ്യസ് വിദ്യാര്‍ഥികളോടും കര്‍ഷകരോടും പങ്കുവെച്ചിരുന്നു. കൃഷിയുടെയും വായനയുടെയും നാളം കൈയിലേന്തുന്ന കുട്ടികള്‍ക്ക് ഗ്രേഷ്യസിന്റെ അനുഭവങ്ങള്‍ വലിയ പ്രചോദനമായി. കൗതുകത്തോടെ അവര്‍ ആ അനുഭവം കേട്ടിരുന്നു. ചോദ്യങ്ങള്‍ ചോദിക്കാനും കുട്ടികള്‍ തിരക്കുകൂട്ടി.
ബാലരാമപുരം ഉച്ചക്കട സ്വദേശിയാണ് ഗ്രേഷ്യസ്. ഭാര്യ കല. അനുപമയും അനൂജയും മക്കള്‍.
വീക്ഷണം, ജൂണ്‍ 19
ഗ്രേഷ്യസ് മണ്ണിനെ എഴുതുകയാണ്
ഗ്രേഷ്യസ് കൃഷിക്കാരനാണ്; കൃഷി എഴുത്തുകാരനും. ഒരു മനുഷ്യായസ്സിനേക്കാള്‍ എണ്ണം പുസ്തകം ഇതിനോടകം തന്നെ ഇയാള്‍ എഴുതിക്കഴിഞ്ഞു. ആട് മുതല്‍ ആടലോടകം വരെ, കര്‍ഷക നിഘണ്ടു, ഫലവര്‍ഗ്ഗ വിളകള്‍, പച്ചക്കറി കൃഷി, വാഴകൃഷി, തെങ്ങ് കൃഷി, മാവ് നടാം തുടങ്ങി നൂറ്റിമുപ്പത്തൊന്ന് പുസ്തകങ്ങളാണ് ഗ്രേഷ്യസിന്റെ പേരില്‍ ഇതുവരെ പുറത്തിറങ്ങിയിട്ടുള്ളത്.
മണ്ണിനെ അറിഞ്ഞുള്ള എഴുത്താണ് ഗ്രേഷ്യസിനെ വേറിട്ടുനിര്‍ത്തുന്നത്. നാട്ടുനന്മയും കൃഷിയും വിളകളും ഇല്ലാതാകുന്ന കാലത്ത് കൃഷി എഴുത്തിന് പ്രസക്തി ഏറെയാണ്. പേനയും തൂമ്പയും കൈകളില്‍ ഒരുപോലെ വഴങ്ങുന്ന ഗ്രേഷ്യസ് വരുംകാലത്തേക്ക് ബാക്കിവെച്ചുപോകുന്നത് ഇതു രണ്ടിന്റെയും മധുരഫലങ്ങളാണ്.
അമ്പതുകാരനായ ഗ്രേഷ്യസ് എഴുത്ത് തുടങ്ങുന്നത് 20 വര്‍ഷങ്ങള്‍ക്കു മുന്‍പാണ്. പിന്നീട് 131 പുസ്തകങ്ങള്‍, ഇപ്പോള്‍ പണിപ്പുരയില്‍ മൂന്നു പുസ്തകങ്ങള്‍... ഇടവേളകളില്ലാത്ത എഴുത്ത് എന്നുതന്നെ പറയാം. കാന്‍ഫെഡിനുവേണ്ടി ചെയ്ത ശിശുപരിപാലനം ആയിരുന്നു ആദ്യപുസ്തകം. കൃഷി, അക്കാദമിക് പുസ്തകങ്ങളാണ് എഴുതിയതിലേറെയും. ഡി സിയും എച്ച് ആന്റ് സിയും ലിപിയും സര്‍ക്കാര്‍ പ്രസാധകരുമുള്‍പ്പടെ കേരളത്തിലെ ഒട്ടുമിക്ക പ്രസാധകരും ഗ്രേഷ്യസിന്റെ പുസ്തകങ്ങള്‍ പുറത്തിറക്കിയിട്ടുണ്ട്.
കൃഷി ചെയ്യുന്നതിനൊപ്പം കൃഷിരീതികളെ തലമുറകള്‍ക്ക് പരിചയപ്പെടുത്തുക എന്ന കര്‍മ്മം കൂടിയാണ് ഗ്രേഷ്യസ് ചെയ്യുന്നത്. എഴുത്തിന്റെ തിരക്ക് കൂടിയപ്പോള്‍ കൃഷി ചെയ്യാനുള്ള സമയം കുറഞ്ഞുവെന്ന് ഗ്രേഷ്യസ് പറയുന്നു. എങ്കിലും ഇടവേളകളില്‍ സമയം കണ്ടെത്തുന്നുമുണ്ടെന്നും മണ്ണിനെ അറിയുന്ന ഈ കര്‍ഷകന്‍ പറയുന്നു.
നാല്‍പ്പതു പേജുമുതല്‍ 1226 പേജുള്ള ചരിത്രവിജ്ഞാനകോശം വരെയുള്ള പുസ്തകങ്ങള്‍ ഇദ്ദേഹത്തിന്റെതായുണ്ട്. കേവല വിദ്യാഭ്യാസത്തില്‍ നിന്നും എഴുത്തില്‍ വളര്‍ച്ച പ്രാപിച്ച ഗ്രേഷ്യസിന്റെ പുസ്തകങ്ങള്‍ ഇപ്പോള്‍ ഐ എ എസിനും യൂണിവേഴ്‌സിറ്റി തലത്തിലും റഫറന്‍സ് ആയും ഉപയോഗിക്കുന്നു. മണ്ണില്‍ കാലൂന്നിക്കൊണ്ടുള്ള എഴുത്തുകാരന്റെയും മനുഷ്യന്റെയും വളര്‍ച്ചയെയാണ് ഇത് കാണിക്കുന്നത്.
ഒരു കര്‍ഷകനായ താന്‍ എങ്ങനെ തന്നേക്കാള്‍ ഉയരത്തില്‍ പുസ്തകങ്ങള്‍ എഴുതിക്കൂട്ടി എന്നതിന്റെ വിശേഷം വായനാദിനത്തില്‍ വൈ എം സി എ ഹാളില്‍ ഗ്രേഷ്യസ് വിദ്യാര്‍ഥികളോടും കര്‍ഷകരോടും പങ്കുവെച്ചിരുന്നു. കൃഷിയുടെയും വായനയുടെയും നാളം കൈയിലേന്തുന്ന കുട്ടികള്‍ക്ക് ഗ്രേഷ്യസിന്റെ അനുഭവങ്ങള്‍ വലിയ പ്രചോദനമായി. കൗതുകത്തോടെ അവര്‍ ആ അനുഭവം കേട്ടിരുന്നു. ചോദ്യങ്ങള്‍ ചോദിക്കാനും കുട്ടികള്‍ തിരക്കുകൂട്ടി.
ബാലരാമപുരം ഉച്ചക്കട സ്വദേശിയാണ് ഗ്രേഷ്യസ്. ഭാര്യ കല. അനുപമയും അനൂജയും മക്കള്‍.
വീക്ഷണം, ജൂണ്‍ 19
No comments:
Post a Comment