ഇന്നലെ ഈ വീട്ടുമുറ്റത്തെ പൂക്കളൊന്നും ചിരിച്ചില്ല. ചിരി മറന്നത് തൊട്ടുതലോടാറുള്ള കൈകളെ കാണാഞ്ഞിട്ടാണ്. ഇത് ഹൃദയകുമാരി ടീച്ചറുടെ വീട്ടുമുറ്റത്തെ ചെടികളാണ്. ഇവ ഇനി അനാഥമാകും. ടീച്ചര്‍ മക്കളെപ്പോലെ നട്ടുനനച്ചു നോക്കി വളര്‍ത്തിയതാണ് നന്ദാവനത്തെ വീട്ടുമുറ്റത്തെ ചെടികള്‍.
ആദ്യമായി അവിടെ ചെന്നപ്പോള്‍ ശ്രദ്ധിച്ചിരുന്നു മുറ്റത്തെ പച്ചപ്പ്. പുറത്തെ നട്ടവെയിലില്‍നിന്ന് നടന്നുവരുന്ന നമ്മളെ ഈ തണലാണ് സ്വാഗതമരുളുക. പിറകെ ടീച്ചറുടെ ചിരിയും. കൗതുകം കൊണ്ട് ഒരിക്കല്‍ ടീച്ചറോട് ചോദിച്ചു ഈ ചെടികളെപ്പറ്റി. അങ്ങനെയാണ് ടീച്ചര്‍ക്ക് ചെടികളോടുള്ള സ്‌നേഹത്തെപ്പറ്റി പറഞ്ഞത്. വീട്ടുമുറ്റം നിറയെ തണലും തണുപ്പുമേകി നിറഞ്ഞുനില്‍ക്കുന്ന പലജാതി ചെടികള്‍ ടീച്ചര്‍ ഇത്രകാലം നട്ടുനനച്ചുണ്ടാക്കിയതാണ്. കുട്ടികളെപ്പോലെ നോക്കും. കല്യാണം കഴിഞ്ഞ് വീട്ടിലേക്ക് വന്ന കാലത്തിന്റെയത്രയും പഴക്കമുണ്ട് ആ ചെടിസ്‌നേഹത്തിന്. എന്നു പറഞ്ഞാല്‍ അമ്പതു വര്‍ഷത്തിലേറെ.
വീക്ഷണം നവംബര്‍ 9
No comments:
Post a Comment