തിരുവനന്തപുരം: ജേര്‍ണലിസം വിഷയമാക്കിയുള്ള ബിഹൈന്‍ഡ് ദ ലൈന്‍സ് ബിറ്റ്‌വീന്‍ ദ ലൈന്‍സ് ചലച്ചിത്രോത്സവത്തിലെ മികച്ച പത്രമാധ്യമ റിപ്പോര്‍ട്ടിംഗിനുള്ള പുരസ്‌ക്കാരം വീക്ഷണം റിപ്പോര്‍ട്ടര്‍ എന്‍ പി മുരളീകൃഷ്ണന്. മൂന്നു ദിവസമായി തിരുവനന്തപുരത്ത് നടന്ന ചലച്ചിത്രമേളയിലെ റിപ്പോര്‍ട്ടിംഗ് മികവാണ് മുരളീകൃഷ്ണനെ പുരസ്‌ക്കാരത്തിന് അര്‍ഹനാക്കിയത്. 5000 രൂപയും ഫലകവും അടങ്ങുന്നതാണ് പുരസ്‌ക്കാരം. ചലച്ചിത്രോത്സവത്തിന്റെ സമാപന സമ്മേളനത്തില്‍ തിരുവനന്തപുരം സിറ്റി പൊലിസ് കമ്മിഷണര്‍ എച്ച് വെങ്കിടേഷ് പുരസ്‌ക്കാരം സമ്മാനിച്ചു.
ജനയുഗത്തില്‍ സബ് എഡിറ്ററായി പത്രപ്രവര്‍ത്തനം ആരംഭിച്ച മുരളീകൃഷ്ണന് ഈ വര്‍ഷം മാര്‍ച്ചിലാണ് വീക്ഷണത്തില്‍ റിപ്പോര്‍ട്ടറായി പ്രവേശിച്ചത്. പാലക്കാട് ജില്ലയിലെ ആനക്കരയാണ് സ്വദേശം. കാലടി സര്‍വ്വകലാശാലയുടെ തിരുവനന്തപുരം പ്രാദേശിക കേന്ദ്രത്തില്‍ ഗസ്റ്റ് ലക്ചററായ അജിതയാണ് ഭാര്യ.
വീക്ഷണം, ഒക്ടോബര്‍ 27
No comments:
Post a Comment