രാജ്യാന്തരചലച്ചിത്രമേള മാധ്യമ അവാര്‍ഡ് എന്‍.പി.മുരളീകൃഷ്ണന്
ഇരുപതാമത് രാജ്യാന്തര ചലച്ചിത്രമേളയില്‍ അച്ചടിമാധ്യമത്തിലെ മികച്ച റിപ്പോര്‍ട്ടിങിനുള്ള പുരസ്‌കാരത്തിന് മാതൃഭൂമി തിരുവനന്തപുരം യൂണിറ്റിലെ റിപ്പോര്‍ട്ടര്‍ എന്‍.പി.മുരളീകൃഷ്ണന് അര്‍ഹനായി. പതിനായിരം രൂപയും പ്രശസ്തിപത്രവും ശില്‍പ്പവുമടങ്ങുന്ന പുരസ്‌കാരം ഗവര്‍ണര്‍ പി. സദാശിവം സമ്മാനിച്ചു.
കേരള കൗമുദിയിലെ കോവളം സതീഷ്‌കുമാര്‍ അച്ചടിവിഭാഗത്തില്‍ പ്രത്യേക ജൂറി പരാമര്‍ശം നേടി. ദൃശ്യമാധ്യമങ്ങളിലെ മികച്ച റിപ്പോര്‍ട്ടിങ്ങിനുള്ള അവാര്‍ഡിന് ഏഷ്യാനെറ്റിലെ ലക്ഷ്മിപത്മ അര്‍ഹയായി. ദൂരദര്‍ശനിലെ സാം കടമ്മനിട്ട പ്രത്യേക പരാമര്‍ശം നേടി. ശ്രവ്യവിഭാഗത്തില്‍ ആകാശവാണി തിരുവനന്തപുരം, മാതൃഭൂമി ക്ലബ്ബ് എഫ്.എം എന്നിവ പുരസ്‌കാരം പങ്കിട്ടു. ഓണ്‍ലൈന്‍ വിഭാഗത്തില്‍ മനോരമ ഓണ്‍ലൈനും പുരസ്‌കാരം നേടി. മേളയിലെ മികച്ച തീയറ്ററുകളായി ടാഗോര്‍ തീയറ്ററും ടെക്‌നിക്കല്‍ വിഭാഗത്തില്‍ ന്യൂ തീയറ്റര്‍ സ്‌ക്രീന്‍ ഒന്നും തിരഞ്ഞെടുക്കപ്പെട്ടു.
ജി. ശേഖരന്‍നായര്‍ (മാതൃഭൂമി) ചെയര്‍മാനും രഞ്ജികുര്യാക്കോസ് (മലയാള മനോരമ), പി.പി. ജെയിംസ് (കേരളകൗമുദി), ജെ.അജിത്കുമാര്‍ (വീക്ഷണം) എന്നിവര്‍ അംഗങ്ങളായ ജൂറിയാണ് അവാര്‍ഡ് ജേതാക്കളെ തിരഞ്ഞെടുത്തത്.
മാതൃഭൂമി, ഡിസംബര്‍ 12, 2015
No comments:
Post a Comment