അഭിപ്രായം നേടിയെടുത്ത് ഉദ്ഘാടന ചിത്രവും നായകനും
മുന്‍വര്‍ഷങ്ങളില്‍നിന്നും വ്യത്യസ്തമായി മികച്ച അഭിപ്രായം നേടിയെടുത്ത് ഉദ്ഘാടനചിത്രം. ഇസ്രയേലി സംവിധായകന്‍ ഇറാന്‍ റിക്ലിക്‌സ് സംവിധാനം ചെയ്ത 'ഡാന്‍സിങ് അറബ്‌സ്' ഇസ്രയേലിനുള്ളില്‍ തന്റേതായ ഇടം തേടുന്ന യുവാവിന്റെ കഥപറയുന്നു. എന്നും പ്രസക്തമായ ഇടം തേടലും സ്വത്വാവിഷ്‌ക്കാരവും വിഷയമാക്കുന്ന ചിത്രം മേളയെ ശുഭപ്രതീക്ഷയോടെ കാണാന്‍ പ്രേക്ഷകന് അവസരം നല്‍കി. സമകാലിക സാമൂഹിക രാഷ്ട്രീയ പശ്ചാത്തലങ്ങളുടെ ശക്തമായ വിലയിരുത്തലായി മാറിയ 'ഡാന്‍സിങ് അറബ്‌സ്' ഗൗരവമുള്ള പ്രമേയങ്ങളെ ഉറ്റുനോക്കുന്ന കാഴ്ചക്കാരനെ തൃപ്തിപ്പെടുത്തുന്നുണ്ട്. 1980-90 കളിലെ ഇസ്രയേലാണ് സിനിമയുടെ പശ്ചാത്തലം. 105 മിനിട്ടാണ് ദൈര്‍ഘ്യമുള്ള ചിത്രം ഇത്തവണ ജറുസലേം ഫിലിം ഫെസ്റ്റിവലിലും ഉദ്ഘാടന ചിത്രമായി പ്രദര്‍ശിപ്പിച്ചിരുന്നു.
വീക്ഷണം, ഡിസംബര്‍ 13
No comments:
Post a Comment