റിസര്‍വ്വേഷന്‍ ദിവസം മൂന്ന് മാത്രം;
ഡെലിഗേറ്റുകളുടെ പരാതിക്ക് അടൂരിന്റെ മറുപടി
റിസര്‍വ്വേഷന്‍ പരമാവധി മൂന്നെണ്ണമാക്കിയത് എല്ലാവര്‍ക്കും സിനിമ കാണാനുള്ള സൗകര്യത്തിനാണെന്ന് ചലച്ചിത്രമേളയുടെ മുഖ്യ ഉപദേശകന്‍ കൂടിയായ സംവിധായകന്‍ അടൂര്‍ ഗോപാലകൃഷ്ണന്‍ പറഞ്ഞു. ഡെലിഗേറ്റുകളുടെ ആവശ്യമായ അഞ്ച് റിസര്‍വ്വേഷന്‍ സാധ്യമാക്കിയാല്‍ കുറേപ്പേര്‍ക്ക് സിനിമ കാണാനാകില്ല. എല്ലാവരും സിനിമ കാണാനാണ് മേളയില്‍ എത്തിയിട്ടുള്ളത്. ആരെയും നിരാശരാക്കാന്‍ അക്കാദമിക്ക് ഉദ്ദേശ്യമില്ല.
മേളയ്ക്കിടയില്‍ ഉണ്ടാകുന്ന പരാതികളും ബുദ്ധിമുട്ടുകളും അറിയിക്കണം. പരിഹരിക്കാന്‍ കഴിയുന്നത് അപ്പപ്പോള്‍ തന്നെ പരിഹരിച്ച് നമുക്ക് മുന്നോട്ടുപോകാം. ചെറിയ കാര്യങ്ങള്‍ക്ക് പ്രതിഷേധം വേണ്ട. ഇത് എല്ലാവരുടെയും മേളയാണ്. മാസങ്ങള്‍ നീണ്ട പരിശ്രമത്തിന്റെ ബലത്തില്‍ നല്ല രീതിയില്‍ മേള നടത്താമെന്ന് ഉത്തമബോധ്യമുണ്ടെന്ന് അടൂര്‍ പറഞ്ഞു.
രാവിലെ ഒമ്പതുമുതല്‍ ഓണ്‍ലൈന്‍ റിസര്‍വ്വേഷന്‍ സാധ്യമാണെന്ന് അക്കാദമി അറിയിച്ചിരുന്നെങ്കിലും യന്ത്രത്തകരാറുകാരണം മൂലം വൈകി. ഇത് ചെറിയ പ്രതിഷേധത്തിനിടയാക്കിയെങ്കിലും പെട്ടെന്നുതന്നെ പരിഹരിച്ചു. ഓണ്‍ലൈന്‍ തകരാറിലായതോടെ തീയറ്ററുകളുടെ മുമ്പില്‍ ടിക്കറ്റ് റിസര്‍വ്വ് ചെയ്യാനുള്ള ക്യൂവില്‍ ആളുകൂടി. ചലച്ചിത്രമേളയുടെ പ്രദര്‍ശനമുള്ള അഞ്ചു തീയറ്ററുകളിലും റിസര്‍വ്വേഷന്‍ സൗകര്യമൊരുക്കിയിരുന്നെങ്കിലും കൈരളി, കലാഭവന്‍ തീയറ്ററുകളിലായിരുന്നു കൂടുതല്‍ പേര്‍ എത്തിയത്.
വീക്ഷണം, ഡിസംബര്‍ 13
No comments:
Post a Comment